Les tcherwadjes

 Li fènâ mwès

Les labours atakint todi avou la tcheroûe. On-z è co vèyou des èréres sins ou avou on sabot dvant, ramplacé après par one pitite roûe. I falot sey foirt adret' et bén abituwé po fé del bèle tcheroûe. Li simpe brabant estot dja one bèle ameliorâcion so l' èrére, mês avou lu, i falot ataké a mîtan ou azès deus costés do bokàt, çou ki fzot k'on-z ave one chavrôle di chake costé et on adosmint a mîtan, ou bén la grosse chavrôle a mîtan. L' anèye d' après, on-z aroyiot l' contrère po r'nivlé l' terin. Les dôbes brabants ont facilité l' ovradje, surtout po disroyi les bokets avou des coûtes royes et po fé les triviès. Dins les anèyes cincante, on-z è transfôrmé les dôbes brabants po les adapté azès tracteurs a rlevadje hidrôlike. On-z è min.me fabrike des tcheroûes speciâles po les tracteurs sins rlèvadje, notamint la marke :Brending. Dins les ôtes markes, dji vons cite: Melotte, Drago, Hert, Huard, Baeke, Baeke 1/4 di tour, International, do Greef, Steno, Demblon, Dethy, Viaud, Lemken, ... et des ôtes, li djèrin siyon. Après ça, ce stî les bi, les tri, les cwadri socs, et todi dpus k'ont arivé. Les pus grosses, c' estot po l' bon payis.

Après la tcheroûe, on passot avou l' role ou l' erisson, surtout po les djèrin.nès tcheroues d'â pretins, po rbate la tere et n' nén fé trop d'wèzons, surtout dins les batis. C' est la siracuse ou l' cultivateur extirpateur ki continuot l'ovradje an passant deus ou troes côps so longueur ou d' triviè. Les siracuses estint a 5, 7, 9, 12 ou 15 dints po les tchfôs et jusk'à 30 et pus po les tracteurs. Si i gn ave del pâne, on passot deus ou treûs côps a l' hipe so longueur et lârdjeur, et on lèvot les hîpes réguliérmint cwand eles estint plin.nes, po ramassé la pâne. On choyot la tère foû dol pâne al fotche, po fé des ptits hopès ki souwint kékes djoûs so les hourlés divant d' les broûlé. Sovint, cwand on passot a l' hîpe, on metot deus tchènas so l'ustêye, et an rotant on tapot les pires dins onk, et dins lôte, les chicorêyes k'atakint a crèche et k'estint co blankes, po fé del bone salâde. Et tot çouci a tot schoûtant les "grisolles" des alouwetes tchanté an montant, divant di ridtchinde an piké, po s' catchi dins les foures.

Cwand on fzot l' mårs avou les tchfôs et k'on-z ave des cavales k'avint poûtné d' boune eure, i falot distèlé a mîtan d' l' advant nonne et d' l' après nonne po vni fé tèté les polins. Ça purdot do tins et les djournêyes estint coûtes.

Dins totes ces machines la, po travayi les teres, on pout cité les markes les pus knuchoûyes: Melotte, Albert, Kongskilde, Sogemec, Agrotiler, Howard Rotavator, Bottin, Drago, Dethy, do-st Hubert, et po les roles: Falisse et Dominicy,...

Cand l' fènâ mwès arivot, on r'batot lès fâs avou l' marté èt l'èglume èt on rawîjot lès lames di razète. Dins l' tins, cand on z-atakot a fâtchi an Ârdène, c'èstot lontins ki lès bons fâtcheûs èstint voyes si loué après l' pays d' Hève (Herve), k'èstot brâmint pus avanci k' nos ôtes. Èt la sâhon finîe lâvâ, i riv'nint fé one deûzime campagne voci. Jusk'an plus ou mwins 1950, on fâtchot ko tos lès prés. Po nosse viadje a Èn'grè : lès prés do Stoquai, do Viabout, dol Fosse, li pré d'â Deûs Dûtes, li grand pré â molin di Spitintje, èt lès prés do Himbry èt d'â Voyai èstint co tos fènés. Avou mès parints, dj'alins min.me ôzès prés Djèrâ a Bonru, dzos mon Charneux al Barake. Dins cèrtins prés, i falot dès côps pwarté one pârtîe do foûre a l'ôte costé do ruché ou do bî paski lès machines èt lès tchfôs n'î ârint dja arivé, èt cisse pârtie la do pré ave sitî fâtchîe al mwin. Dins cès prés là, al St-Rmé, on rastikot plus ou mwins lès hayes po z-î mète lès bièsses kékes djoûs po ramassé lès ptits wayins. Més il arivot sovint dins on viadje ou l'ôte ki one ou pluzieûrs bièsses crèvinche d'avèr mougni dès colchikes, cès bèles fleûrs rôzes, blankes ou violètes ki florichant sol târd dins cès prés umides.

Po rivni â rawijadje di nos lames di razètes, cand on z-èstot gamin, on n' êmot nin du tout paski i falot toûrné la pîre di rawîje al mwin, èt c'èstot dur. Avou l' tins on z-è adapté one roûe d' vélo ou on volant d' machine a lavé al plèce dol manivèle èt avou one courwâ sol l' moteûr dol machine a lavé, l'afère è stî réglée. On z-è vèyou dès pîres toûrnantes a pèdales èt dès ôtes rawîjeûses ôtomatikes a sètche pîre, mês l' tayant n' èstot nin si bon.

La razète prète, la basse fâ sol dos èt la pîre èt l' cwarnî rimpli d' êwe èt d' vinêgue al cinture do pantalon, on z-alot fâtchî lès intrêyes èt lès cwanes dès bokèts po fé dol bèle ovradje. Cand la razète ave fét 2-3 bates, avou l' rustè, on r'tournot la preumîre po plèr fâtchi l' toûr d'âtoû. Si l' tins èstot â sètch, i gn-ave wé d' problèmes ou (wêre di problèmes); mês cand l' tins èstot al pleûve èt k'i gn-ave dès formoûjes, la tère plakot intèr lès dèts èt pwis on bôrot tos lès dîj, cwinze mètes! On rivnot co bin â mîtan d' l'après non.ne po rawîji one lame. Il arivot k'on câsse la bièle, on dèt, dès sèctions ou dès rivèts. La razète a on tchfô purdot 1,07 m di lâdje, tandis ki la cisse a deûs purdot 1,37 m. On z-ave treûs sôrtes di bâres so lès razètes: l' ôrdinêre, l' intèrmédière èt la Danoise. La preumîre ave lès dèts fwart èspacés, la deûzime on pô pus sèrés mês simpes, tandis ki so la Danoise lès dèts èstint dobes èt fwart sèrés. C'èst cicile ki convnot l' mî po lès fins foûres di pature. On z-è vindou on pô dès razètes avou on moteûr ôgzilière Bemard (A.E.B.I.) èt dès ôtes avou deûs lames. Volà one série d' markes di razètes ki s'ont trové sol martchî : Mac Cormick, Deering, Osborne, Skurup, Knotec, Puzenat, Lanz, Hagedorn, Bautz, Aktiv, Fahr, Fella, Dollé, Massey-Harris, Albion, Triumph, Hercules-Viking, Idéal-New.

Po lès bês foûres di trimbline, on mètot l' tonê podri la bâre dol razète po fé dès djougâs k'on loyot unikmint al tièsse.

Cand on z-ave on bê foûre di cawes di rat, on z-è lèyot vint' cink, trante âres po dol simince. On lès fâtchot alloyeûse a l'awous'; on fzot dès croupètes di treûs djâbes k'on loyot a treûs rawètes po k' lès pâtes ni s' batinche nin a l'êr, ni al pleûve. Brâmint dès cinsîs ont co fâtchi avou la razète podrî l' tracteûr, mês ça n'alot nin tot seû, èt fwart vite lès bâres fâtcheûses latèrâles èt lès ôtes pwartées so Ii r'lèvadje ont arivé, paski dins lès malâhis foûres, on plot fé tourné la lame pus vite èt avanci pus doucmint. La révolucion dins lès fâtcheûses, c'èst stî bin sûr lès "rotatifes" a tambours ou a assiètes. Cisse machine la, rin n' l'arète: ni formoûjes, ni pîres, ni l' flachi, rin! Cand lès preumîres ont travayi, lès djins racontint ki lès wayins ni r'crèchrint pus!!!

Lès bâres fâtcheûses courantes èstint : Busatis, Mortl, J.F., Stokèy èt Schmit, Mac Cormick, Rasspe, Kuhn, Fella, Bamfords, Vico n, New Holland, Welger, Zweegers, èt les rotatifes:

Kuhn, Busatis, P.Z., Claas, Vico n, Fahr, Bautz, Krone, Niemeyer, Nicolas, Mac Cormick, Kemper, ...

Li foûre fâtchi, i falot l' toûrné al fotche, â rustè ou bin avou la piteûse (fèneûse à chî fotches) ki purdot deûs bates di razète. Toûrné èt r'toûrné deûs ou treûs côps, on l' mètot a hougnes avou l' grand rustè a tchfô po fé dès hopirons po kékes djoûs. Si l' tins mènaçot on fzot dès gros hopês avou treûs, cwate hopirons po l' mî sâvé. Si l' tins èstot â c1ér, on fènot l' foûre al tère èt on l' tchèrdjot al hougne, èt la lès fèmes èt lès èfants sûhint podrî po ruslé avou lès ptits rustès d' bwês ou l' grand d' fièr. Cand on z-ave dès bèles trimbIines, on lès mètot sovint a gades po wardé Ii pus PQssibe lès fouyes, èt po z-avèr on boket ou deûs foû dès pîds. Adon cand i vnot dès lèdes walêyes avou dès grandes êrs, c'èstot la catastrofe, totes lès gades èstint dismantchîes. On sayot d' lès sâvé an drèssant one pîce di sapin conte chake gade, ou bin avou dès cwades di loyeûse tink1ées par deûs gros cayôs. Di c' tins là on rintrot l'foûre an vrac. On

37

tchèrdjot al hougne, a hopês ou al gade èt cand la tchèdje èstot féte, on mètot la pîce, la tchin.ne èt on pîrçot â tire-djâle. Divant d' kité l' bokèt, on pîgnot la tchèrêye po n' nin piède do foûre Ii long do1 voye èt dès hayes vîves. Si on cinsî ave Ii mâleûr di culbuté (vè1é) one tchèdje, il èstot nomé MAYEÛR!!!

Do tins dès grands rustès a tchfô, cand on fzot dès gades, Ii rahougneû aminot l' foûre âtoû dol gade, çu ki n' èst pus stî possibe avou lès ratô-fane ki fzint dès longues royes, èt i falot alé kèri l' foûre bin long po z-achèvé la gade. Dès djins syncieux ont invanté on trin.nô ki pwartot la gade, èt avou on tchfô calme, trankile, on avançot Ii long dès hougnes; cand èle èstot câzi finîe, on la distchèrdjot, an l'achèvant so pIèce, po rataké one ôte; c'èstot dja brâmint pus facile, pus âhî (Vèye page 51). Lès markes di fèneûses èt d' grands rustès èstint a pô près totes lès min.mes:

Mac Cormick, Deering, Bautz, Hagedorn, Excelsior (Tchèkie), Le Sanglier, Wallute, Puzenat, Fahr, Fella, J.F., Kuhn, Niemeyer, Potinger, New Holland, Stall, Vican, Zweggers, A.E.B.L, Perfect, Lister, ...

Riv'nant on pô a nos machines, la fèneûse èt l' grand rustè ont stî concurancés par lès ratô-fane, ki fzint lès treûs

opèrâcions : toûrné, ruslé èt mète a hougnes. Vos vièroz ki lès modèles n'ont nin manké, dèdja po lès tchfôs : Mac Cormick, Deering, Bautz, Bamfords, Fahr, Fe lIa, Rapid, ... Po lès tracteûrs, c'è stî lès min.mes, pus: Hagedorn, Rapide S.H, Combitrac de S.H., P.Z., J.F., Excelsior, Hawès-Agrar, Kuhn, Faco-Franc, Puzenat, Gustin, tortos a prîze di force. Bamfords èt Vicon ont

fabriké on modèle avou dès grandes roûes a dints ki toûmint â contak do wèzon; i ruslint fwart bin, més po toûmé i falot rôlé vite. Âtoû dès anèyes swassante cink, on z-è vindou dès aéro-

42

fèneûs Gustin èt Vicon; i n'ont nln fé long feu, paski 1 batint vrêmint l' foûre, i n' dimorot pus rin, ni pâtes ni fouyes.

Li sistème ave dèdja stî èksplwaté an France â dèbut do siéke, come vos l' vèyoz so la foto. Simultanémint lès pirouwètes ont arivé, èt voci avou lès markes èt lès modèles n'ont nin manké : dès deûs, dès cwate, dès chî toupîes; dès deûs toupîes avou on tchèna po rahougni, dès cwate toupîes ki s'riployant an-èrî, dès ôtes â hât; dès trin.nées ou pwartées, dès cisses a roûes ou a sabots, notamint: Kuhn, P.Z., Strella, Fanex, Vico n, Fella, Fahr, Faco, Stoll, Knerveland, Kra ne, Deutz-Fahr, Niemeyer, Pottinger, Lely, ...

45

Lès andéneûs ont sû la min.me évolucion, brâmint dès modèles èt dès grandeûrs dins cès markes-ci: Kuhn, P.Z., J.F., Fahr, Claas, Heuknech, Mélotte, Niemeter, Fella, Stoll, Vico n, Sperry New Holland, Wolf, Lely, ... èt pus târd après fûzion: Deutz-Fahr, ...

Po tchèrdji l' foûre an vrac, dès fabrikants ont inventé la machine ki vos vèyoz voci: Bamfords èt Eicher. Lès ôtotchèrdjeûses ont sièrvi brâmint po rintré l' foûre an vrac, més on tirot lès coûtés ki sièrvint po l'ansiladje; dji vons cité :

Dechentreiter, Kemper, Fristein, Mengéle, Bergman, Strautmann, Kr6ne, Stille, Lely, Welger, J.F., Claas, Fahr, Fella, ... Arivé al cinse, i falot distchèrdji. Lontins, c'è stî a l'ôle di brès avou la fotche. Dins lès grègnes, i falot todi lèvé hôt, tandis ki su lès batîres on tapot dja one bone pârtîe so valèye èt a hôteûr. Lès chofleûs èt lès tapis roulants, fikses ou mobiles, ont spârgni brâmint dès pôn.nes azès ornes, come lès grifes k'èstint pindoûyes azès charpantes. Po lès chofleûs, dji vons cité: Muller, Noël, Neis, Legille, Albert, Gustin, Westfalia,... èt po lès tapis roulants : Labèye, Samas, Noël, Kongskilde, Hagedorn, Dethioux, Gustin, La Gileppe, Godfrind, ...

V' nos la a l'èpoke dès prèsses ou pick-up. An preumî Iieû, on djâzot di prèsse a basse dansité, dès ptites près ses ki loyint a one cwade, èt lès grosses a deûs, a câze dollârdjeûr do canâl. Cès botes di foûre la n'èmint nin la pleûve, c' èst po ça k'on lès rintrot Ii pus vite possibe. Bin vite la hôte dansité è pris Ii d' zeûs èt i gn-è avou brâmint, brâmint dès markes difèrantes, més totes avou lès min.mes loyeûs : Deering - Mac Cormick ou Rasspe.

Dins lès pick-up hôte dansité, on z-è fabriké on grand nombe di markes, avou chacune leûs pârticulârités : dès canâls difèrants, deûs rin.nûres dins la bote po tni la ficèle, dès cis avou one fotche ou one vis' sans fin po hèré l' foûre 0 canâl, dès ôtes avou on moteûr ôgzilière, èt rârmint an Ârdène, dès loyeûs â fil di

47

fièr. Vola one lisse probâbleûmint incomplète : Claas, Welger, Mac Cormick, New Holland, Jonh Deere, Rivière Casalis, Heywang, Allis Chalmers, Claeys, Bamford, Massey Harris, Jones, Fahr, Ama Canto ne, Baler, New Europe, Saimm Agrifull, Gallignani, Soméca, Case, Minor.

La ficèle po lès pick-up èstot sovint dol 200-220 m â kilo, tandis ki po lès pus vîs, on purdot dol180 m.

Li pick-up passé, i falot couri après lès botes po lès drèssi, c'èst la rêzon k'è motivé lès fabrikants a imajiné lès groupeûs d'balots : dès cis k'èstint fiksés â coron do canal, dès ôtes trin.nés ou so roûes ki rassonint one cwinzin.ne di botes. Â dèbut, on drèssot lès botes par deûs, cand on tchèrdjot al fotche, més cand on z-è avou lès tchèrdjeûs, on fzot dès hopès di hût botes. On z-è invanté lès grands tchènas èt lès pinces hidrôlikes â coron do tchèrdjeû frontal. Cèrtins avint on brès éjècteûr monté so li r'lèvadje do tracteûr, ki lançot la bote sol tchâr, avou on cèrtin riske po l'orne ki lès aranjot. On z-è vèyou dès monte-balots a prîze di force ki rôlint a costé do tchâr èt ki montint lès botes a hôteûr do tchâr. One ôte sistême, one grande rimorke avou on ramasseû, on canâl èt one tchin.ne sans fin ki toûmot âtoû dol rimorke so cwâte ètajes, ki tchèrdjot plus ou mwins 150 balots. Arivé al cinse, on invèrsot l' mouvrnint dol tchin.ne,èt lès botes vinint tourné â pîd do monte-balots : New Holland, Amas, Labèye, Pipo, Ravena, Viaud, Sogéma, ...

Dji nos vons intèrèssé asteûre a l'ansiladje. Cobelaz èt Cogépotasse prônint dja l'ans il ad je divant la guère. Cès deûs sociètés d'angrès azotés èt potassikes prustint lès cofradjes azès cinsîs po fé lès silos ronds an bèton, atèrés jusk'à 1,80 a 2 m, avou on dèpasmint di 25 cm foû d' tère po èvité lès ècoulmints d'éwe. On fâtchôt â matin èt on tchèriot do côp, tot an vrac èt al fotche. On rimplichot l' silo a ras' divant d' mète lès hôsses an bwès ki fzint 2 m di hôteur k'on rimplichot a leû toûr. Après deûs-treûs djoûs d' tasmint, on ti-rot lès hôsses po lès mète so

tchèrdjeûses avou one vintin.ne di coûtés, ki k' tayint l' fôradje fwart coûrt. Lès ansileûses hatcheûses-chôfleûses a prîse di force èt lès ôtomotrices ont pris l' pas sa lès ôtes machines avou lès silos "couloir" bètonés, an min.me tins ki lès silos "toun) an bwès ou an tôles galvanizées, Dohogne, Boerenbond, ... Po cès silos "toup, on z-è fabriké dès hatcheûses-chofleûses spéciâles avou â coron dès bûzes, on-éparpiyeûr di fôradje, po l'sitâré réguliérmint a silo. On z-è monté an mim.me tins dès déssileûses ki a l'ivièr ripurdint l' fôradje 0 silo, po l'richoflé dirèkteumint 0 stâve, divant lès bièsses. Lès ansileûses tractées ou ôta-motrices sièrvint po lès ièbes èt po l' mayis'.

Lès constructeûrs di

déssileûses po lès silos "taupinière" ou "couloir", ont stî ingénieûs avou, èt il ont sôrti assé bin dès modèles èt

dès sistêmes difèrants : dès cisses avou one pâle hidrôlike, dès ôtes avou one èspéce di tronçoneûse ma bile, èt co dès ôtes avou dès grands coûtés va èt vient: Strautmann, Van Langerich, Vico n, Labèye, Joskin,. . . Po terminé avou l' fènâ mwès, dji vans dîre kékes mots dès grosses prèsses a bales

rondes ou cwârées. Po lès baIes rondes, vos ave dès cisses a rôlés èt dès ôtes a courwâs, èt po lès cwârées, c'èst l' min.me principe ki lès pick-up.

Dj'alo rovyi d' cité lès anrubaneûses po lès bales d'ansiladje, rondes ou cwârée, més cès machines la sont assé djônes!

iO